15 қарашада Ұлттық валюта –теңге күні атап өтіледі. Осыдан 30 жыл бұрын осы күні Қазақстан Республикасы Ұлттық валютаны ресми түрде енгізді.

24 қазанда Орталық кітапханада Республика күніне арналған «Күн астында гүлдей бер, менің Қазақстаным» іс-шарасы қара металлургия колледжінің студенттерінің қатысуымен «Не?Қайда?Қашан?» зияткерлік ойын түрінде өтті. Шара жүргізушісі студенттерге Қазақстан тарихы бойынша қызықты тапсырмалар мен сұрақтар дайындады, балалар оларға жауап бере отырып, ойлау, пайымдау, дәлелдеу, қорытынды жасау қабілеттерін көрсете алды. Ойында қатысушылардың білім мен бірлігі барлық мәселелерді тамаша шешуге көмектесті.

18 қарашада Орталық кітапханада Сұлтанмахмұт Торайғыровтың 130 жылдығына арналған «Жарқын арман ақыны» өлең оқу сайысы өтті. Сайыс екі кезеңнен өтті. Бірінші кезеңде қатысушылар өздерін таныстырды. Екінші кезеңде сайысқа қатысушылар ақынның шығармаларынан үзінділерді жатқа оқыды.

29 қыркүйек  күні  Орталық  кітапхананың балалар әдебиеті бөлімінде  «Кітап тайм-2023» кітап фестивалі шеңберінде өткен «Әжемнің ертегісі» дауыстап оқу өтті.  Абай жалпы білім беру мектебінің 1 «Е» сынып оқушылары қатысты. Кекилова Дәметкен Байболатовна  әжеміз   «Айлакер бала» атты қазақ ертегісін оқып балалармен қызықты ойындар өткізді.

29 қыркүйекте Орталық кітапханада жыл сайынғы «KіtарTime-2023» фестивалі өтті. Фестиваль С.Торайғыров ат. ОӘҒК ұйымдастыруымен Сатыбалдин Серік Қинаятұлы және Алпысбай Хонжмен кездесу өткізіліп, «Шыншыл бала» кітабының тұсаукесерімен басталды. Шара одан әрі Республикалық «Бір ел – бір кітап» акциясы аясында Төлен Әбдіктің шығармашылығына арналған «Дарындылар арасындағы дара талант» әдеби қонақжайымен жалғасын тапты. Онда қатысушылардың назарына «Қонақтар» әңгімесі бойынша театрландырылған қойылым мен бейнеролик ұсынылды. Сонымен қоса, фестиваль аясында шағын және ретро кітаптар көрмесі, «Ауылға кітап» акциясы және қолөнер мен сурет көрмесі ұйымдастырылды.

Қыркүйек айының соңғы жексенбісі - "Еңбек күні" мерекесі болып бекітілді. Осы күнге орай оқырмандар назарына "Жұмысшылар қаласы" атты бейнематериалды ұсынамыз.

20 қыркүйекте Инстаграм парақшасында «Цвет настроения-книжный» виртуалды кітап анонсы туралы бейне хабарлама шықты. Бұл шығарылым Джек Лондонға арналған «Лунная долина» кітабына негізделген.

«Менің өмірім роман жазуға себеп емес» - Борис Власовтың сөзі. 27 мамырда орталық кітапханада жергілікті ақынымыз Борис Григорьевич Власовтың «Душа моя живет селом» атты жаңа кітабының тұсаукесері өтті. Ауыл туралы өлеңдер балалық шақтың шынайы бастан кешкен оқиғалары мен естеліктерінен құралғандықтан ең әсерлі. Борис Григорьевич Власов 1962 жылы Ермаков ауданындағы Грязновка ауылында /қазіргі Мәмәйіт Омаров атындағы ауылда дүниеге келген. Балалық шағы Ертіс өзенінің жағасындағы көркем жерлерде өткен. Мүмкін сол кезде жас Боря оны қоршап тұрған шабындықтардың, өрістердің, ормандардың сұлулығы туралы айтуға тырысты.

19 мамыр күні Ақсу қаласының орталықтандырылған кітапханасында "Оқитын ұлт" жобасы аясында "Мәдениет біріктіреді" атты "Библионочь - 2023" акциясы өтті. Сағат 19.00-ден 21.00-ге дейін қала тұрғындары мен қонақтарын келесі бағдарлама күтіп тұрды: "Синяя птица" театрының театрландырылған қойылымы, "ТОП -10 кітап" флеш-мобы, "Музыкалық тайм - аут": "ЭКШЕН" би академиясы және балалар шығармашылығы үйінің хореографиялық ансамбльдері; шеберлік сыныптары: "Пластилин әлемі", "Гипстен сиқыр", "Көбелек" және тағы басқалар.

12 мамырда Орталық кітапханада М.Ж. Көпеевтің 165 жылдығына арналған «Мәшһүр Жүсіп Көпеев-алтын жердің өзегі» әдеби қонақжайы өтті. Іс-шара барысында кітапханашылар қонақтарды қазақтың ұлы ақыны, публицист, ойшыл, тарихшы, этнографтың шығармашылығымен таныстырды. Абай және Ы. Алтынсарин ат. мектеп оқушылары: А. Дүйсенбі, Т. Хурманғаз, А. Құдайбергенова, А. Хойшыбай, М. Асхатұлы, А. Қанатқызы  М. Ж.Көпеевтің өлеңдерін оқыды. Ы. Алтынсарин ат. мектептің 7 «В» сыныбының оқушысы Сәрсенбай Нурсат Мәшһүр Жүсіп Көпеев туралы «Ұлы тұлғаға арнау» атты өз шығарған өлеңін оқыды. Ақсу қара металлургия колледжінің педагогы Халимхан Уәлихан Мәшһүр Жүсіп пен оның кесенелері туралы қызықты деректермен бөлісті. Саметова Камиланың орындауындағы күй шырқалды. «Аңыз тұлға»  кітап көрмесінің әдебиеттеріне  шолу жасалды.